TO‘GARAKLAR
To‘garaklar kutubxonadagi muntazam uchrashuvlar bo‘lib, u yerda biz birgalikda mutolaa, muhokama qilamiz, o‘ynaymiz va mavzularni o‘rganamiz.
KITOB TO‘GARAKLARI
Eng jajji mushtariylar uchun ingliz tilida kitob to‘garagi
Pedagoglar va kutubxonamiz xodimlari bilan rasmli kitoblarni o‘qiymiz, qisqa hikoyalarni muhokama qilamiz, tinglashni, munosabat bildirishni o‘rganamiz hamda kitobga bo‘lgan ilk ishonchni shakllantiramiz. To‘garak bir oyda ikki marta o‘tkaziladi. Ota yoki onaning ishtirok etishi shart.
6-fevral
Kitob nomi: “We are friends, In the forest” (“Biz o‘rmondagi do‘stlarmiz”), muallif Syu Dauning.
O‘rmon do‘stlari bir-birlari bilan tanishadilar, yordam berishni, bo‘lishishni va o‘zaro til topishni o‘rganadilar. Shu tariqa, do‘stona munosabatlar va iliqlik o‘rmonni chinakamiga qulay va xavfsiz joyga aylantiradi.
20-fevral
Kitob nomi: “Noisy Farm”(“Shovqinli ferma”) muallif Rod Kempbell
Shovqin-suronli fermada sigirlar, tovuqlar va qo‘zichoqlar yashaydi: ular bir-birini chaqirib, o‘z olamiga chorlar ekan, kitob mutolaasini haqiqiy sayohatga aylantiradi!
Boshlovchi: maktabgacha ta’lim mutaxassisi, kutubxona xodimi Iroda Oripova
Eng jajji mushtariylar uchun o‘zbek tilida kitob to‘garagi
Pedagoglar va kutubxonamiz xodimlari bilan rasmli kitoblarni o‘qiymiz, qisqa hikoyalarni muhokama qilamiz, tinglashni, munosabat bildirishni o‘rganamiz hamda kitobga bo‘lgan ilk ishonchni shakllantiramiz. To‘garak bir oyda ikki marta o‘tkaziladi. Ota yoki onaning ishtirok etishi shart.
30-yanvar
Kitob nomi: “The Best Snowman Ever” (“Barcha zamonlarning eng yaxshi qor odami”), muallif: Stephanie Stahl
Eng yaxshi Qor odamni yasaymiz, ammo bu yo‘lda sinovlar va kutilmagan to‘siqlarga duch kelamiz.
13-fevral
Kitob nomi: “Dear Zoo” (“Aziz hayvonot bog‘i), muallif Rod Campbell
Hayvonot bog‘idan jonivorlar solingan noodatiy jo‘natmalarni olamiz va o‘zimizga mos keladigan uy hayvonlarini izlaymiz.
27-fevral
Kitob nomi: “Our Jungle” (“Bizning chakalakzor”), muallif Rod Kempbell
Changalzorlar bo‘ylab yorqin sayohat, unda biz o‘rmon jonzotlari va jonli tabiatning xilma-xil dunyosi bilan tanishamiz.
Boshlovchi: kutubxona xodimi Nigora Rahimova
Bolalar kitob to‘garagi
O‘zbek tilidagi bolalar kitoblarini o‘qiymiz, kitoblardagi holatlarni muhokama qilamiz, fikr almashamiz, o‘qiganlarimiz haqida so‘zlab berishni o‘rganamiz. To‘garak bir oyda ikki marta o‘tkaziladi.
7-fevral
Kitob nomi: “Navoiy” (“Ildiz” kitoblar turkumi), muallif Dilnavoz Najimova
Kichik Navoiyning birinchi maktab kuniga birga yo‘l olamiz — bu kun hayajon, yangi tanishuvlar va bilim olamidagi ilk kashfiyotlarga to‘la.
21-fevral
Kitob nomi: “Tishlar saltanati”, muallif Zamira Beshimova
Tishlarning sehrli olamiga kirib, har bir tish o‘z o‘rnida va muhim vazifani bajaradigan tartib-intizom, g‘amxo‘rlik hamda salomatlik haqidagi hikoya bilan tanishamiz.
Boshlovchi: radioboshlovchi va kutubxona xodimi Shahzoda Jo‘rayeva
Brayl alifbosidagi kitob to‘garagi
To‘garak Brayl alifbosini yaxshi biladiganlar yoki endigina tanishishni boshlaganlar uchun mo‘ljallangan. Brayl yozuvida lotin imlosida chop etilgan o‘zbek tilidagi kitoblarni o‘qiymiz, paypaslab o‘qishni mashq qilamiz, hikoyalar yuzasidan fikr almashamiz, matnlarni sharhlashni o‘rganib, o‘z taassurotlarimiz bilan o‘rtoqlashamiz. Ishtirokchilar taktil materiallar bilan ishlaydilar hamda o‘qish uslubini o‘zlashtiradilar. To‘garak bir oyda bir marta o‘tkaziladi.
7-fevral
Mavzu: Alisher Navoiy g‘azallari va ruboiylari
Alisher Navoiyning g‘azal va ruboiylarini Brayl alifbosida o‘qib, mumtoz she’riyatning maromi, obrazlari va mohiyatiga quloq tutamiz.
Boshlovchi: Tiflopedagog Mavluda Karimova
Inglizzabon kitoblar to‘garagi
Qiziqarli kitoblar o‘qiymiz, hikoyalar o‘ylab topamiz, rasm chizamiz, o‘ynaymiz va ingliz tilini ijodiy hamda jonli tarzda o‘rganamiz. O‘yin, tasavvur va bog‘lanishlar orqali ingliz tili leksikasi olamiga sho‘ng‘iymiz. Nutq, tafakkur va kitob mutolaasiga bo‘lgan muhabbatni rivojlantiramiz. To‘garak bir oyda ikki marta o‘tkaziladi.
1-fevral
Kitob nomi: “Negative Cat”,(“Tushkun mushuk”) muallif Sophie Blackall
O‘yin o‘ynashdan bosh tortib, doimo yashirinib yurgan mehribonlik uyidagi bola va mushuk hikoyasi bilan tanishamiz. Qahramonlarning qanday qilib til topishini kuzatamiz va mutolaaning o‘zaro munosabatlarni o‘rnatishdagi ko‘magi hamda ishonchsizlikni do‘stlikka aylantirishdagi ahamiyatini bilib olamiz.
15-fevral
Kitob nomi: “The Sheep Who Hatched an Egg” (“Tuxum qo‘ygan qo‘y”) muallif Gemma Merino
Lolaning qo‘zichog‘i va kichkina jo‘jasi haqidagi ta’sirli hikoyani o‘qiymiz. Tashqi ko‘rinish muhimmi yoki ichki fazilatlar-u amaldagi xatti-harakatlar, degan savol atrofida mulohaza yuritamiz.
Boshlovchi: kutubxona xodimi Laziza Tursunova
MULOQOT TO‘GARAKLARI
Sahna nutqi
Ifodali va ishonch bilan o‘qishni o‘rganamiz, artikulyatsion gimnastika, nafas mashqlari va tez aytishlar bilan tanishamiz. Ohang ustida tajribalar o‘tkazamiz, turli hissiy urg‘ular bilan matnlarni o‘qiymiz va kichik nutqiy etyudlar qo‘yamiz. To‘garak har ikki haftada bir marta rus va o‘zbek tillarida o‘tkaziladi.
31-yanvar
Uchrashuv mavzusi: to‘siqlarni yengib o‘qish
14-fevral
Uchrashuv mavzusi: jonli muloqot va hamkor bilan ishlash
28-fevral
Uchrashuv mavzusi: harakatdagi hikoya; imo-ishora va yuz ifodalari bilan o‘qish
Boshlovchi: radioboshlovchi va kutubxona xodimi Shahzoda Jo‘rayeva
Ingliz tilida muloqot to‘garagi
Muloqot ko‘nikmalarini mashq qilamiz, so‘z boyligimizni oshiramiz, do‘stona va qo‘llab-quvvatlovchi muhitda jumlalar tuzishni hamda o‘z fikrimizni bildirishni o‘rganamiz. To‘garak bir oyda ikki marta o‘tkaziladi.
30-yanvar (17:00-18:00)
Uchrashuv mavzusi: Butun dunyo qishki taomlari
6-fevral (17:00–18:00)
Uchrashuv mavzusi: Memes, Internet Humor
27-fevral (17:00–18:00)
Uchrashuv mavzusi: Kundalik hayotda sun’iy idrok
Boshlovchi: kutubxona xodimi Emiliya Ponomareva
O‘YIN TO‘GARAKLARI
Stol o‘yinlari to‘garagi
Turli xil stol o‘yinlari bilan: “sayr”lar-u hamkorlik sarguzashtlaridan tortib, o‘ylash, tavakkal qilish, murosaga kelish hamda jamoa bo‘lib ishlash muhim bo‘lgan strategiyalargacha tanishamiz. O‘ynaymiz, muloqot quramiz va muhim ko‘nikmalarni rivojlantiramiz. To‘garaklar har hafta o‘zbek va rus tillarida o‘tkaziladi. Ishtirokchilar kutubxona to‘plamidan o‘yinlarni tanlab oladilar va 2-3 ta stol atrofiga taqsimlanadilar. Bitta uchrashuvda bola 2-4 ta o‘yin o‘ynashi mumkin.
31-yanvar Mavzu: Sayr-u sarguzashtlar
7-fevral. Mavzu: Tezlik va diqqatni rivojlantiruvchi o‘yinlar. O‘yin nomi: “Maxluqlar uchun tish shifokori”
14-fevral. Mavzu: Sayr-u sarguzashtlar. O‘yin nomi: “Graviti Folz”
21-fevral. Mavzu: Kooperativ o‘yinlar. O‘yin nomi: “Yulduzli rassomlar”
28-fevral. Mavzu: Strategiyalar. O‘yin: “Dinozavrikus”
Boshlovchi: kutubxona xodimi Laziza Tursunova
O‘smirlar uchun stol o‘yinlari to‘garagi
Shaharlar qurilishi va strategiyalardan tortib, izquvar surishtiruvlar va syujetli sarguzashtlargacha bo‘lgan stol o‘yinlari dunyosini tadqiq etamiz. Kutubxona to‘plami bilan tanishamiz, o‘yin mexanikasini ko‘rib chiqamiz, turli janrlarni sinab ko‘ramiz, strategik fikrlashni mashq qilamiz va do‘stona muhitda o‘ynaymiz. To‘garak har hafta o‘zbek va rus tillarida o‘tkaziladi. Uchrashuv boshida bolalar o‘yinlarni o‘zlari tanlaydilar, so‘ngra parallel ravishda 2-3 xil stol o‘yinlari o‘tkaziladi.
1-fevral. Mavzu: Kooperativ missiyalar. O‘yin nomi: “Alias”
8-fevral. Mavzu: Taktik o‘yinlar. O‘yin nomi: “Catan”
15-fevral. Mavzu: Izquvar surishtiruvlar. O‘yin nomi: “Izquvar voqealar silsilasi”
22-fevral. Mavzu: Syujetli sarguzashtlar. “Beng” o‘yini
1-mart. Taktik o‘yinlar. O‘yin nomi: “Kartograflar”
Boshlovchi: kutubxona xodimi Laziza Tursunova
Shaxmat to‘garagi
Asosiy qoidalarni o‘rganamiz, donalarni yurishni o‘rganamiz va ilk partiyalarni o‘ynaymiz. Shaxmat mantig‘ini tahlil qilamiz, strategik fikrlashni rivojlantiramiz va yurishlarni ko‘rishni o‘rganamiz. Uchrashuvlar o‘yinni endi o‘rganayotganlarga mo‘ljallangan bo‘lib, o‘zbek va rus tillarida, har hafta o‘tkaziladi.
1-fevral
8-fevral
15-fevral
22-fevral
1-mart
Boshlovchi: Shaxmat ixlosmandi va kutubxona xodimi Shahobiddin Rasulov
To‘garaklar faoliyatini boshlash
To‘garaklar faoliyatini boshlash
Kutubxonadagi to‘garaklar ijara yoki bir martalik uchrashuvlar emas, ular dasturning uzviy qismidir. To‘garaklarni kutubxona xodimlari yoki taklif etilgan mehmonlar olib boradi. Biz to‘garaklarga qiziquvchanlik, hamjihatlikdagi tajriba va madaniy muloqot makoni sifatida qaraymiz.
Kutubxonada ochiqlik, kitobxon tajribasiga hurmat, dunyoga qiziqish va e’tibor qadriyatlarini baham ko‘radigan boshlovchiyu ixlosmandlar jamoasi shakllanadi. Biz davriy ravishda yangi boshlovchilarni taklif etamiz: agar insonda yaxshi to‘garak g‘oyasi va uni muntazam olib borish ishtiyoqi bo‘lsa, u ushbu jamoa safiga qo‘shilishi hamda jamoatchilik dasturi doirasida o‘z yo‘nalishini rivojlantirishi mumkin.
Joylar soni cheklangan. Iltimos, roʻyxatdan oʻting.