kutubxona haqida

Tarix, missiya va yangi istiqbollar

Respublika bolalar kutubxonasi — zamonaviy kitob muassasasi, madaniyat markazi va tarixiy binoda joylashgan bolalar va kattalar uchun ochiq ijtimoiy makon. Loyiha markazida — bu yerda 1965-yildan buyon faoliyat yuritayotgan va Toshkentliklarga yaxshi tanish bo‘lgan bolalar kutubxonasi. Ochiq kitob fondi, ommaviy dasturlar, mahorat darslari va qiziqishlar klublari — kutubxona barcha uchun axborotga bepul kirish imkonini beradi. Loyiha asosan 3 yoshdan 16 yoshgacha bo‘lgan bolalar va bolalik muhitini yaratishga qaratilgan, o‘qish, ijodkorlik va rivojlanish uchun qulay muhit yaratadi. Bu hanuz bolalar kutubxonasi bo‘lib qolmoqda, ammo bu yerda kattalar uchun ham joy bor.

Binoning tarixi

1965-yilda Respublika bolalar kutubxonasi 1880-yillarda Vadyayevlar tomonidan qurilgan va 1909-yilda shahar mulkiga aylangan saroyga ko‘chib o‘tdi. O‘sha paytda mashhur arxitektor Ivan Markevich loyihasi asosida saroyga yangi bino ham qo‘shilgan. Bino dastlab o‘zining noyob arxitekturasi bilan ajralib turgan. Rekonstruksiya va qisman restavratsiya jarayonida nafaqat tarixiy va madaniy merosni saqlab qolish, balki bu 19-asr yodgorligini zamonaviy shaharlik muhitiga uyg‘unlashtirish ham uddalandi. Bu joy bugungi kunda ham faol va rivojlanib borayotgan maskan bo‘lib, arxitektura merosi va jamoat joylarini yangicha talqin qilishda zamonaviy yondashuv namunasi bo‘lib xizmat qilmoqda.

Madaniyat va san’atni rivojlantirish jamg‘armasi

Respublika bolalar kutubxonasining rekonstruksiyasi, qayta ishga tushirilishi va yangilanishi Madaniyat va san’atni rivojlantirish jamg‘armasi tashabbusi bilan amalga oshirildi. Bu O‘zbekistonda ilk bor amalga oshirilgan loyiha hisoblanadi. Jamg‘arma o‘z missiyasi doirasida kutubxonani xalqaro darajadagi zamonaviy muassasa sifatida rivojlantirish va qo‘llab-quvvatlash vazifasini o‘z zimmasiga olgan, uning faoliyatini yangilab boradi va rivojlanish uchun barcha imkoniyat va resurslarni taqdim etadi. Ushbu loyiha zamonaviy shahar jamoat makonini yaratishda me’moriy merosni saqlash, dolzarblashtirish va qayta talqin etishning ilg‘or namunasi bo‘ldi.