Varraklar sayli

Navro‘z kunlari hovlilar kulgiga, o‘yinga va deyarli uzluksiz harakatga to‘ladi. Kichkintoylar va ota-onalar bilan birga ko‘klam shamolidan jonlanadigan yorqin shamolparraklar yasaymiz va ularni darhol amalda sinab ko‘ramiz.

Varrak yasaymiz! Ularni yorqin, rang-barang qog‘oz dumlar va tasmalar bilan bezatib, bahor osmoniga uchiramiz. Ustaxonaga istalgan vaqtda kelib qo‘shilish va o‘z sur’atida ishlash uchun kutubxona muhofizlari batafsil yo‘riqnoma tayyorladilar. Kichik yoshdagi bolalar ota yoki onalarining kuzatuvi ostida ishtirok etishlari mumkin.

Bolalar musavvir Nigina Mirzajonova boshchiligida varraklarni gullar, qushlar va ertak jonivorlari bilan bezaydilar.

“Quvonch” — o‘zbek adibasi Dinara Mo‘minova qalamiga mansub yangi hikoya. U buvisi va bobosining oldiga uchib borib, yo‘l-yo‘lakay sovg‘a-salomlar yig‘ib ketayotgan bola haqidagi ertak. Bolaning qo‘lida halvo, parvarda, novvot — oila va bolalik haqidagi iliq xotiralarni o‘zida saqlagan shirinliklar bor.

RO‘YXATDAN O‘TISH 13-aprel 12:00 da ochiladi

Qadimdan varraklar signal uzatish, biror nima tashish, dalalarni kuzatish va hatto, odamlarni havoga ko‘tarish uchun ishlatilgan! “Yosh me’morlar jamiyati” muhofizlari muhandislik kashfiyotlari, aerodinamika sirlari, olimlar va rassomlarning tajribalari bilan tanishtiradilar, shuningdek, bolalar bilan birgalikda uchar qurilmalarni qadam-baqadam yig‘adilar.

Geoaxborot tizimlari sun’iy yo‘ldosh tasvirlari, koordinatalari, kuzatuvlaridan Yer xaritasini tuzadi. Bu yerda hammasini balandlik hal qiladi: varrak qarash nuqtasini o‘zgartiradi, sun’iy yo‘ldoshlar esa butun sayyoraga umumiy nazar tashlash imkonini beradi.
O‘zbekiston Respublikasi Raqamli texnologiyalar vazirligi huzuridagi Kosmik tadqiqotlar agentligi mutaxassislari sun’iy yo‘ldosh tasvirlari qanday qilib xaritalarga aylanishi va ular yordamida dunyoni yaxshiroq tushunish haqida so‘zlab berishadi.

Muloqot tili: o‘zbek va rus tillari

An’anaviy o‘zbek o‘yinlari olamiga sho‘ng'iymiz va bo‘sh vaqtimizni qanday o‘tkazishimiz haqida tajriba almashamiz — “Laylak keldi” o‘yini bilan bahorni chorlaymiz, “Baliqchilar va baliqlar” orqali chaqqonligimizni sinaymiz va jo‘shqin “Oq terakmi, ko‘k terak?» o‘yinini yodga olamiz. Oddiy qoidalar, turli xil harakatlar va olam-olam zavq!

Mashhur “Karkasson Junior” nomli stol o‘yinining bolalarga mo‘ljallangan shakli bizni kichik o‘rta asr qirolligidagi ko‘klam ayyomiga yetaklaydi. O‘yin davomida qo‘y, jo‘ja va sigirlarni qo‘yib yuboramiz, so‘ngra ularni kulgili kichik musobaqada quvnoq tarzda qayta yig‘amiz.

RO‘YXATDAN O‘TISH 13-aprel 12:00 da ochiladi

Shamol va qog‘oz varraklarning asosiy elementi, ammo qadim zamonlardan odamlar ulardan ish quroli sifatida foydalangan.
“Yosh me’morlar jamiyati” muhofizlari muhandislik kashfiyotlari, aerodinamika sirlari, olimlar va rassomlarning tajribalari bilan tanishtiradilar, shuningdek, bolalar bilan birgalikda uchar qurilmalarni qadam-baqadam yig‘adilar.

Ohang hamma joyda eshitilishi mumkin, lekin uni ilg‘ab olish muhim. LOUD373 — qo‘qonlik yosh prodyuserlarning musiqiy loyihasi. Ularning musiqasi hovlilar, yo‘llar va hamisha yonma-yon esib turgan shamoldan yaralgan. Ishtirokchilar zarblarni yaratish asoslari bilan tanishadilar va shamol varraklarni osmonga ko‘targanidek, tovush bilan tajriba o‘tkazishga harakat qiladilar.