Nafis san’at ustaxonasi

Qalin kartondan yasalgan erkin shakldagi 3D-modellar. Kompozitsiyaning rangi, ko‘lami va muvozanati ustida ishlaymiz.

Sim va folgadan hajmli kompozitsiyalar. Chiziq qahramon harakati va xarakterini qanday ifodalashi mumkinligini o‘rganamiz.

Qalin karton va plastilindan hajmli applikatsiyalar. Botiq va bo‘rtib chiqqan elementlarni, shuningdek, silliq va g‘adir-budur fakturalarni bir-biri bilan uyg‘unlashtiramiz.

Siluet va konturni o‘rganamiz: kartondan shakllarni qirqib olamiz, ularni kompozitsiyalarga birlashtiramiz hamda rang va makon bilan ishlaymiz.

Papye-mashe (ishlov berilgan qog‘oz massasi)dan mavhum obyektlar yaratamiz hamda faktura va hajm bilan tajriba o‘tkazamiz.

Ishtirok etish tartibi

Ustaxonada qatnashish uchun 1-oktabrga qadar ishtirokchi so‘rovnomasini to‘ldirish kerak. Ota-onalardan bola, uning qiziqishlari hamda ijodiy mashg‘ulotlardagi tajribasi haqida qisqacha so‘zlab berishlarini so‘raymiz. Bu bizga qiziqishi yuqori bo‘lgan guruhni shakllantirishga yaqindan yordam beradi.

Arizalar qabuli yakunlangach, ustaxona jamoasi so‘rovnomani ko‘rib chiqadi va saralashdan o‘tgan ishtirokchilarning ota-onalari bilan bog‘lanadi. So‘rovnomani to‘ldirish guruhga avtomatik ravishda qabul qilinishni anglatmaydi. Saralashdan o‘tsangiz, chatga qo‘shilish havolasini elektron manzilingizga yuboramiz.

Ishtirok etish bepul, qatnashchilar oldindan saralab olinadi.

Nafis san’at ustaxonasi — bolalar amaliyot orqali san’at bilan tanishadigan ta’lim dasturi. Undagi mashg‘ulotlarda ishtirokchilar rassomlarning asarlarini ko‘zdan kechiradilar, ularni muhokama qiladilar va turli usullarni sinab ko‘radilar. Biz uchun tayyor nusxanii takrorlash emas, balki kuzatish, tajriba o‘tkazish, o‘z yechimlarimizni topish va ko‘rganlarimiz haqida fikr yuritishni o‘rganish muhimdir.